Рамос ЕЧЛ илк тури олдидан машғулотларда қатнашмади

"Реал" сардори Серхио Рамос УЕФА Чемпионлар Лигаси 1-туридан ўрин олган "Шахтёр"га қарши ўйинни ўтказиб юбориши мумкин.

34 ёшли ҳимоячи бугунги машғулотларда иштирок эта олмади. Рамос Ла Лига 6-туридан ўрин олган "Кадис"га қарши беллашувда жароҳат олиб, 2-тайм бошида захирага олинган эди. Тиббий текширувлардан сўнг маълум бўлишича, жароҳат у қадар жиддий эмас ва ҳимоячи "Барселона"га қарши ўйингача тикланиши кутилмоқда.

Мадридликлар 21 октябрь куни Чемпионлар Лигаси 1-турида "Шахтёр"ни меҳмон қилади.