Рамос Европа рекордини "урди", навбат жаҳон рекордига
Испания терма жамоаси ҳимоячиси Серхио Рамос айни дамда Швейцарияга қарши бўлиб ўтаётган УЕФА Миллатлар лигаси учрашувида асосий таркибда майдонга тушди.
Бу 34 ёшли футболчи учун терма жамоа сафидаги 177-ўйин бўлди. Эътиборлиси, Рамос Европа қитъасида терма жамоа сафида энг кўп ўйин ўтказган Жанлуижи Буффонни (176) ортда қолдирди ва мутлақ рекордчига айланди.
Бу борадаги жаҳон рекорди эса мисрлик Аҳмад Хасанга тегишли. У терма жамоаси либосида нақд 184 та беллашувда иштирок этган.
Фикрлар