Рамос ПСЖга керак эмас. Париж клуби энг зўр футболчи трансфери устида ишламоқчи

"Пари Сен-Жермен" "Реал" ҳимоячиси Серхио Рамос трансферини амалга оширмоқчи эмас.

Парижликлар раҳбарияти ҳужумчи Килиан Мбаппе билан шартномани узайтиришни асосий мақсади сифатида кўрмоқда.

Олдинроқ, ПСЖ испаниялик футболчига йилига 20 миллион евро маошга эга 3 йиллик келишув таклиф қилмоқчилиги ҳақида хабар берилган эди. Бироқ Париж клуби 2022 йил июнида шартномаси якунига етадиган Мбаппе билан келишувни узайтириш ҳақида кўпроқ бош қотирмоқчи.

As нашри манбаси 21 ёшли форварднинг ўзи ҳам ПСЖда қолиш ниятидалигини хабар қилмоқда. Агар томонлар келишувни амалга оширса, унда Мбаппенинг товон пули 180 миллиондан 222 миллион еврогача кўтарилиши, шунингдек, у жаҳоннинг энг кўп маош олувчи футболчисига айланиши мумкин