Рамос қачон сафга қайтади?

AS нашри "Реал" ҳимоячиси Серхио Рамоснинг қачон сафга қайтиши бўйича хабар тарқатди. Эслатиб ўтиш лозимки, 34 ёшли испаниялик футболчи февраль ойи бошида тиззасидан операция қилинган эди.

Юқоридаги манбага кўра, Рамос тахминан 6-4 ҳафта даволанади. У 13 март куни "Эльче"га қарши ўтказиладиган ўйинга қадар соғайиши кутилмоқда. "Реал" орадан 3 кун ўтиб, яъни 16 март куни "Аталанта"га қарши ЕЧЛ 1/8 финал  жавоб баҳсида иштирок этади.

Рамос сўнгги бор 14 январь куни Испания Суперкубогидан ўрин олган "Атлетик"га (1:2) қарши ўйинда майдонга тушган эди. У жорий мавсум Ла Лигада 14 та ўйинда иштирок этди ва 2 та гол уришга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)