Ramos supertaklifni rad etdi

“Real”dan ketganidan beri turli jamoalardan taklif olayotgan Serxio Ramos “Manchester Yunayted”ning chorloviga ham rad javobini berdi.

Manchesterliklar tajribali himoyachiga yuqori maoshli shartnoma taklif qilgani aytilmoqda. Ma’lum bo‘lishicha, unga 1+1 ko‘rinishida bitim va haftasiga 200 ming funt maosh va’da qilingan.

Manbalarning xabar berishicha, 35 yoshli ispan futbolchisi inglizlarga qaraganda ko‘proq pul bermoqchi bo‘layotgan PSJda to‘p surishni ma’qul ko‘rmoqda.