Рамос ва Марсело машғулотлар пайтида ўзаро жанжаллашиб кетишди
Ads

"Реал" Мадрид клубининг икки футболчиси - Серхио Рамос ва Марсело машғулотлар пайтида ўзаро жанжаллашиб кетишган.

Marca нашри тарқатган хабарга кўра Марсело машғулот пайтида ўтказилган икки томонлама ўйинда урган голини бошқача ҳис ҳаяжон билан нишонлаган. Бу ҳолат эса Рамосга ёқмаган. Натижада испаниялик футболчи бразилиялик жамоадошига ташланиб қолган. Кейин эса Марсело Рамосга барча голларини шундай нишонлашини айтган. Орадан бироз вақт ўтиб эса улар ярашиб олишган.

Маълумот учун, Рамос жорий мавсум 39та ўйинда майдонга тушиб, ўз ҳисобига 11та гол ҳамда 2та голли узатма ёздириб қўйишга эришган. 24та ўйинда иштирок этган Марсело ҳисобида эса 3та гол ҳамда 4та голли узатма мавжуд.