Раньери "Рома" билан шартнома имзолаш учун Римга етиб келди

Кеча Эусебио Ди Франческони истеъфога чиқарган “Рома” клубининг янги бош мураббийи Клаудио Раньери бўлади. Бу ҳақда RomaPress нашри хабар бермоқда.

Юқоридаги манбаага кўра 67 ёшли италиялик мутахассис бугун янги жамоаси билан шартнома имзолаш учун Римга учиб келди. У энди одатдагидек тиббий кўрикдан ўтади ва шундан сўнг клуб раҳбарияти билан учрашади. Кечки пайт эса “Рома” машғулотларига ташриф буюради.

Эслатиб ўтамиз, Раньерининг сўнгги иш жойи Лондоннинг “Фулхэм” клуби бўлган эди.