Рангник бу трансферга рози бўладими?

“Манчестер Юнайтед”да ўз ўрнини топа олмаган Нидерландия терма жамоаси ярим ҳимоячиси Донни ван де Бек А Серия грандлари – “Ювентус” ва “Интер” нишонига тушди.

Ҳар икки клуб истеъдодли плеймейкерни январь ойидаёқ ўз сафига қўшиб олишга тайёр.

Манчестерга келганидан бери асосий таркибга кира олмаётган 24 ёшли футболчи ҳам тезроқ кетишни истамоқда. Аввалига Уле-Гуннер Сульшер даврида ўзини кўрсата олмаган Донни ван де Бек  янги бош мураббий Ральф Рангникнинг ҳам эътиборини қозона олмади.

Унинг “Манчестер Юнайтед” билан амалдаги шартномаси 2025 йилнинг ёзигача имзоланган.