Рангник ва Роналду можароси. У атайлаб Криштиануни қайдномага киритмади(ми)?

"Манчестер Юнайтед" ҳужумчиси Криштиану Роналду АПЛ 28-туридан ўрин олган "Манчестер Сити"га қарши ўйинни ўтказиб юборди. "Қизил иблислар" бош мураббийи Ральф Рангник португалиялик форвардни жароҳат олгани туфайли қайдномага киритмаганини айтганди. 

Роналдунинг синглиси Кате Авейро инстаграмда Рангник Криштиануни шунчаки қайдномага киритишни хоҳламагани ҳақида ёзилган постга лайк босди. Хабар мазмуни қуйидагича эди:  

МЮ бош мураббийи "шаҳарликлар"га қарши ўйинда ҳимоявий тактика танламоқчи бўлган. Шу сабабли, Криштиану ҳатто захирада ҳам йўқ эди.

Эслатиб ўтамиз, манкуниаликлар ушбу баҳсда 4:1 ҳисобида рақибга имкониятни бой берди.