Рақиб Моуриньодан футболчи сўраяпти

А Серияга чиққан “Монца” клуби “Рома” асосий таркибига кира олмаётган Риккардо Калафьорини ўз сафига қўшиб олига ҳаракат қилмоқда.

Sky Sport Italia нашрининг маълум қилишича, дебютант жамоа вакиллари 20 ёшли ҳимоячини сўраб, Рим клубига мурожаат қилди.

“Монца” мураббийлар штаби бу ўйинчига келаси мавсум етарли даражада ўйин амалиёти беришга тайёр эканини билдирди. Уларнинг режасида чап қанот ҳимоячининг трансфер ҳуқуқини сотиб олиш варианти ҳам бор.

Калафьори ўтган мавсумни ҳам ижара асосида “Женоа” сафида якунлаган. У “Рома” клуби тарбияланувчиси ҳисобланади.