Расман! Алькасер

“Боруссия” Дортмунд клуби форварди Пако Алькасер фаолиятини ўз ватанида давом эттирадиган бўлди.

Аниқроғи, 26 ёшли испаниялик футболчи “Вильярреал” билан 2025 йилгача шартнома имзолади. У янги жамоасида 17-рақамда тўп суради.

Бундан аввалроқ Паконинг трансфери “сариқ сув ости кемаси”га 23 млн еврога тушгани айтилаётган эди.

Маълумот учун, Алькасер жорий мавсум Бундеслигада 11 та ўйинда майдонга тушди ва 5 та гол уришга эришди. Бироқ, у сентябрдан буён фақатгина бир маротаба майдонга тушди холос.

Эслатиб ўтамиз, Алькасер учун Ла Лига бегона эмас. У бундан аввал "Барселона" ва "Валенсия" клубларида ўйнаган.