Rasman! APLda mavsumning ilk iste’fosi yuz berdi

Angliyaning “Uotford” klubi jamoa bosh murabbiyi Xavi Grasiyani o‘z lavozimidan ozod etdi. Bu haqda klub rasmiy sayti xabar tarqatmoqda.

Ta’kidlash kerakki, Grasiya bilan birga uning yordamchilari ham jamoani tark etishgan. Tez orada APL klubi o‘zining yangi bosh murabbiyini e’lon qilishi kutilmoqda.

Ma’lumot uchun, ispaniyalik mutaxassis “Uotford”ni 2018 yilning yanvaridan buyon boshqarib kelayotgan edi. Uning boshchiligidagi jamoa premer-liganing dastlabki 4 ta bahsidan 3 tasida mag‘lub bo‘ldi, 1 tasida esa durang qayd etdi.