Расман! Арсен Венгер ФИФАда иш бошлади

Франциялик машҳур мутахассис Арсен Венгер ФИФАда футболни ривожлантириш бўлими раҳбари лавозимига тайинланди.

ФИФА расмий сайти тарқатган хабарга кўра 70 ёшли мутахассис эркаклар билан бир қаторда аёллар футболига ҳам жавоб беради. Шунингдек у футбол қоидалари билан шуғулланувчи IFAB ташкилоти билан ҳам ишлайди ва мураббийлар тайёрлаш ҳамда собиқ футболчиларга менежментдан билим беради.

Эслатиб ўтамиз, Венгер 1996-2018 йилларда “Арсенал” клубини бошқарган.