Расман! "Барселона" футболчиси АПЛ клубига ўтди

"Барселона" клуби ўзининг расмий сайти орқали ҳимоячи Хуниор Фирпонинг "Лидс"га ўтганини эълон қилди.

Каталонияликлар расмий сайтида ёзилишича, “кўк-анор ранглилар” 24 ёшли испаниялик футболчинининг трансферидан 15 миллион еврога даромад кўрган. Бундан ташқари, "Барселона" Фирпонинг келажакдаги трансферидан тушадиган 20 фоиз маблағни ҳам олади.

Фирпо "Барселона" сафига 2019 йилда "Бетис"дан кўчиб ўтган эди. У ўтган мавсум Ла Лигада 7 та ўйинда майдонга тушди ва 1 та гол ҳамда 1 та голли узатмага муаллифлик қилди.

“Лидс” ўтган мавсум Англия премьер-лигасини 9-ўринда якунлади.