Расман! "Барселона" футболчисини "Хетафе"га сотди

"Барселона" клуби ўзининг расмий сайтида ҳимоячи Марк Кукурельяни "Хетафе"га сотиб юборганини эълон қилди.

Унга кўра, 21 ёшли футболчининг трансфери 10 миллион еврони ташкил қилган. Бундан ташқари, “кўк-анор ранглилар” Маркнинг кейинги трансферидан тушадиган маблағнинг 10 фоизига ҳам эгалик қилади.

Кукурелья асли “Барселона” тарбияланувчиси ҳисобланади. У жорий мавсумни “Хетафе” сафида ижарада ўтказмоқда. У 39 та ўйинда майдонга тушди ва 1 та гол ҳамда 6 та голли узатма ёздириб қўйишга эришди.