Расман! "Барселона" стадионининг номи ўзгарди! (Фото)

"Барселона" клубининг уй стадиони саналадиган "Camp Nou" ўйингоҳи ўз номини ўзгартиради. Бу ҳақда клуб матбуот хизмати хабар берди. 

Унга кўра, эндиликда "Camp Nou" стадиони "Spotify Camp Nou" деб атала бошланади. Клуб ва машҳур бренд ўртасидаги келишувда ушбу банд келтириб ўтилгани айтилмоқда.

Шунингдек, трибуналарда "Spotify" брендининг белгиси кўриниб туради. Мезбон ва меҳмонлар учун мўлжалланган ҳудудларда ҳам мусиқий платформа номи акс этади.

Эслатиб ўтамиз, "Барселона" "Spotify" билан 4 йиллик шартномага имзо чеккан. 4 йил мобайнида жамоа футболчилари бренд номи акс эттирилган либосларда тўп тепади.