Расман! "Барселона"нинг собиқ ҳимоячиси "Алавес"га ўтди

"Севилья" клуби ҳимоячиси Алеиш Видаль янги мавсумни "Алавес"да ўтказадиган бўлди. Бу ҳақда клуб расмий сайти хабар тарқатмоқда.

Унга кўра басклар 29 ёшли испаниялик футболчини 2020 йилнинг ёзигача ижарага олишган. Бироқ, келишувга кўра “Алавес”да уни сотиб олиш ҳуқуқи борми ёки йўқлиги ҳозирча маълум қилинмаяпти.

Маълумот учун, Видаль ўтган мавсум андалусияликлар сафида жами 21та ўйинда майдонга тушди ва 3та голга ассистентлик қилишга эришди. У фаолияти давомида "Реус", "Эспаньол", "Пантракикос", "Поблу Мафумет", "Химнастик", "Мальорка", "Альмерия" ва "Барселона" каби жамоаларда тўп сурган.