Расман! "Челси"нинг собиқ футболчиси Суперлига клуби билан шартнома имзолади

Лондоннинг "Челси" клуби собиқ ярим ҳимоячиси Жон Оби Микель фаолиятини Туркия Суперлигасида давом эттирадиган бўлди.

Аниқроғи, 32 ёшли нигериялик футболчи "Трабзонспор" клуби билан шартнома имзолади. У янги жамоаси сафига эркин агент сифатида келиб қўшилган.

Маълумот учун, Оби Микелнинг сўнгги жамоаси Англиянинг “Мидлсбро” клуби бўлган эди. У ўтган мавсум жами 18та ўйинда майдонга тушди ва ўз ҳисобига 1та гол ёздириб қўйишга эришди.