Расман! Икарди "Интер" машғулотларига қўшилди

"Интер" клуби тиббий департаменти раҳбари Пьеро Волпи жамоанинг аргентиналик форварди Мауро Икарди машғулотларга қўшилганини тасдиқлади.

Таъкидлаш керакки, бундан аввалроқ 26 ёшли аргентиналик футболчи “нерадзуррилар” билан амалдаги шартномасини узайтирмаса, ёзда бошқа жамоага сотиб юборилиши ҳақида хабарлар тарқалган эди.

Эслатиб ўтамиз, Икардига “Наполи” ва “Ювентус” клубларидан жиддий қизиқишлар мавжуд.

Маълумот учун, Икарди жорий мавсум “Интер” сафида жами 28та ўйинда майдонга тушди ва ўз ҳисобига 15та гол ҳамда 3та голли узатма ёздириб қўйишга эришди. У сўнгги бор февраль ойи ўрталарида майдонга тушган эди.