Расман! Жезус “Наполи”га ўтди

“Рома”да ўйнаган марказий ҳимоячи Жуан Жезус эркин агент сифатида “Наполи” билан шартнома имзолади.

“Наполи” клуби расмий сайти тарқатган хабарга кўра, 30 ёшли футболчи неаполликлар таркибида 2022 йилнинг ярмигача тўп тепади. Бир мавсумда давомида ўзини кўрсата олса, унга яна бир йиллик янги битим таклиф қилиниши мумкин.

“Наполи” бош мураббийи Лучано Спалетти бразилиялик ҳимоячининг имкониятларини яхши билади. Италиялик мутахассис “Рома”ни бошқарган пайтда Жезус унинг қўл остида ўйнаган.

Ўтган мавсумда Жезус “Рома” сафида атиги бешта учрашувда майдонга тушди холос.