Расман: "Локомотив" яна бир футболчини ўз таркибига қўшиб олди

Икки йиллик танаффусдан сўнг моҳир ярим ҳимоячи Садриддин Абдуллаев яна қадрдон жамоаси "Локомотив"га қайтди. Бу ҳақда жамоа матбуот хизмати хабар тарқатди.

Маълумот учун, Садриддин Aбдуллаев 2010, 2012, 2013, 2014, 2016, 2017, 2018 йилги мавсумларни "темирйўлчилар" таркибида ўтказиб, жамоа сафида 100дан зиёд ўйинда майдонга тушган.

Aбдуллаев охирги марта "Локо" либосида 2018 йил Ўзбекистон чемпионатида 22та баҳсда тўп тепганди. У охирги икки йилни "Пахтакор"да ўтказганидан хабарингиз бор.