Расман! "Манчестер Сити" навбатдаги трансферини эълон қилди

“Манчестер Сити” клуби ўзининг жорий ёзги трансферлар давридаги навбатдаги трансферини эълон қилди.

Клуб расмий сайтининг хабар беришича, “шаҳарлилар” бу сафар Чемпионшипга равона бўлган “Борнмут” ҳимоячиси Натан Аке билан шартнома имзолади. 25 ёшли футболчи янги жамоаси билан 2025 йилга қадар тузилган келишувга имзо чеккан. “Сити” эса унинг трансфери учун 41 млн фунт сарфлагани айтилмоқда.

Маълумот учун, Аке якунланган мавсум АПЛда жами 29 та ўйинда майдонга тушиб, 2 та гол урди.