Расман! Матип "Ливерпуль" билан шартномасини узайтирди

Ҳимоячи Жоэль Матип "Ливерпуль" билан амалдаги шартномасини узайтирди. Бу ҳақда клуб расмий сайти хабар тарқатмоқда.

Юқоридаги манбаага кўра 28 ёшли футболчининг янги келишуви 2024 йилнинг ёзига қадар имзоланган. Таъкидлаш керакки, Матипнинг мерсисайдликлар билан амалдаги шартномаси жорий мавсм сўнггида ўз ниҳоясига етарди.

Маълумот учун, Матип “Ливерпуль” сафида 2016 йилдан буён тўп суриб келмоқда.  У ўтган давр мобайнида жами 107 та ўйинда майдонга тушди ва 5та гол ҳамда 1 та голли узатма ёздириб қўйишга эришган.