Расман! Маттейс де Лигт — “Бавария” футболчиси (фото)

"Бавария" "Ювентус" ҳимоячиси Маттейс де Лигтнинг трансферини эълон қилди. Футболчи немис клуби билан 2027 йилнинг 30 июнига қадар амал қиладиган шартнома имзолади.

Аввалроқ, Де Лигтни сотиб олиш "Бавария"га бонусларни ҳисобга олмаганда 70 миллион еврога тушиши хабар қилинганди.

Ўтган мавсумда 22 ёшли ҳимоячи "Ювентус"нинг барча турнирлар доирасидаги 42 ўйинда майдонга тушиб, ўз ҳисобига 3 та гол ва битта голли узатмани ёздириб қўйган.

Де Лигт 2019 йилда “Аякс”дан “Ювентус”га ўтган эди.