Расман! "Металлург" етакчиси жамоа билан хайрлашди

2018 йилги мавсумдан буён "Металлург" шарафини ҳимоя қилиб келган тажрибали ҳимоячи Станислав Андреев 2022 йилги мавсумдан эътиборан ўз фаолиятини бошқа клубда давом эттириш истагини билдирди ва “Металлург” билан дўстона хайрлашди. Бу ҳақда клуб матбуот хизмати хабар тарқатмоқда.

Эслатиб ўтамиз, Станислав Андреев 2018-2021 йиллар мобайнида “Металлург” таркибида 90 та учрашувда майдонга тушиб, ўз ҳисобига 12 та гол ёздириб қўйди. 

Бундан аввалроқ Андреев "Навбаҳор" йиғинида иштирок этаётгани ҳақида хабарлар тарқалган эди.