Rasman! "Metallurg" sardori "Navbahor"ga qaytdi

Uch yil mobaynida "Metallurg" sharafini himoya qilgan hujumchi Zabihillo O‘rinboev "Navbahor"ga qaytdi. Bu xususida "Navbahor" matbuot xizmati xabar bermoqda.

Bu yil 30 yoshni qarshilaydigan futbolchi bungacha “Bunyodkor” (Toshkent, 2013-2016 yillar), “Olmaliq” (Olmaliq, 2017 yilning 1-davrasi), “Paxtakor” (Toshkent, 2017 yilning 2-davrasi, 2019 yil), “Navbahor” (Namangan, 2020-2021 yillar) va “Metallurg” (Bekobod, 2018, 2022-2024 yillar) jamoalarida to‘p surgan.

U O‘zbekiston chempionligi hamda O‘zbekiston  kubogi (2013 yil) va superkubogini (2014 yil) qo‘lga kiritgan, O‘zbekiston U-23 terma jamoasi tarkibida 2018 yili Osiyo chempioni bo‘lgan. 

Zabihillo jarohatidan qaytgach, o‘tgan yil "Metallurg" safida 13 o‘yinda maydonga tushib 3 ta gol urdi hamda 2 ta assistni bajardi.