Расман! "Металлург" сардори "Навбаҳор"га қайтди

Уч йил мобайнида "Металлург" шарафини ҳимоя қилган ҳужумчи Забиҳилло Ўринбоев "Навбаҳор"га қайтди. Бу хусусида "Навбаҳор" матбуот хизмати хабар бермоқда.

Бу йил 30 ёшни қаршилайдиган футболчи бунгача “Бунёдкор” (Тошкент, 2013-2016 йиллар), “Олмалиқ” (Олмалиқ, 2017 йилнинг 1-давраси), “Пахтакор” (Тошкент, 2017 йилнинг 2-давраси, 2019 йил), “Навбаҳор” (Наманган, 2020-2021 йиллар) ва “Металлург” (Бекобод, 2018, 2022-2024 йиллар) жамоаларида тўп сурган.

У Ўзбекистон чемпионлиги ҳамда Ўзбекистон  кубоги (2013 йил) ва суперкубогини (2014 йил) қўлга киритган, Ўзбекистон U-23 терма жамоаси таркибида 2018 йили Осиё чемпиони бўлган. 

Забиҳилло жароҳатидан қайтгач, ўтган йил "Металлург" сафида 13 ўйинда майдонга тушиб 3 та гол урди ҳамда 2 та ассистни бажарди.