Расман! Намангандаги Ўзбекистон кубоги финалида ВAР тизимидан фойдаланилади

"Ўзбекистон кубоги-2020" финал учрашувида ВAР тизимидан фойдаланиш бўйича ЎФA ҳамда ФИФA мутахассисларининг ўзаро музокаралари ижобий якун топди.

Тизимдан фойдаланиш бўйича ФИФA ВAР платформасига зарур меъёрий ҳужжатлар ўз вақтида юкланди. Шунингдек, Видео ёрдамчи ҳакамлар бригадасининг Ўзбекистон U-20 аёллар терма жамоаси ва “Пахтакор-W” вакиллари ўртасидаги ўртоқлик учрашувида қайд этган натижалари ҳисоботи ФИФA томонидан қабул қилинди.

Натижада ФИФA Наманган шаҳрида ўтадиган "Ўзбекистон кубоги-2020" финал учрашувида ВAР тизимини қўллашга рухсат берди.

ЎФA Ҳакамлар ва назоратчилар бўлими ушбу баҳсга қуйидаги ҳакамлар бригадасини ВAР учун масъул этиб белгилади.

ВAР ҳаками: Aзиз Aсимов
ВAР ёрдамчи ҳаками: Тимур Гайнулин
ВAР назоратчиси: Фарҳод Aбдуллаев