Расман! "Нефтчи" футболчиси Суперлиганинг бошқа бир клубига кўчиб ўтди (ФОТО)

Мавсумни “Нефтчи” клубида бошлаган ҳимоячи Анвар Ғофуров иккинчи даврани “Металлург”да ўтказадиган бўлди.

Ўзбекистон Профессионал футбол лигаси матбуот хизмати тарқатган хабарга кўра, Ғофуров бекободликлар билан жорий йилнинг 30 ноябригача шартнома имзолаган.

Анвар Ғофуров “Нефтчи” ва “Сурхон” жамоалари сафида жами 123 та ўйинда, 10183 дақиқа тўп сурган. 6 та гол киритган. 29 та сариқ карточка билан жазоланган.