Расман! "Пахтакор" нидерландиялик ҳимоячи трансферини эълон қилди

Мэтью Стинворден "Пахтакор" билан шартнома имзолади.

30 ёшли марказий ҳимоячи "шерлар"нинг янги футболчисига айланди. У билан бир ярим йиллик шартномага имзо чекилди.

"Фейеноорд" клуби тарбияланувчиси саналган Стинворден ҳозиргача Голландиянинг "Фейеноорд", "Эксельсиор", "Дордрехт", "Камбуур" ва Хорватиянинг "Горица" клублари шарафини ҳимоя қилган. 2019 йилдан бери Хорватия клубида ўйнаган. Фаолиятида чемпионатларда 250 ўйинда 15 гол муаллифи бўлган. Стинворден "Пахтакор"да ўйнайдиган нидерландиялик биринчи футболчига айланади. У "Пахтакор"га эркин агент сифатида кўчиб ўтди.