Ўзбекистон Профессионал футбол лигаси бош директори Даврон Шоқурбонов жорий йил 25 май кунидан ўз аризасига мувофиқ эгаллаб турган лавозимидан озод қилинди. Бу ҳақда ташкилот расмий сайти хабар тарқатди.

Шу сабабли, Ўзбекистон футбол ассоциацияси президенти Абдусалом Азизовнинг тақдимига биноан Диёр Имомхўжаев Ўзбекистон Профессионал футбол лигаси Ижроия қўмитаси томонидан бош директор вазифасини бажарувчи этиб тасдиқланди.

Эслатиб ўтамиз, Диёр Имомхўжаев бунга қадар мазкур ташкилотда бош директорнинг спорт ишлари бўйича ўринбосари лавозимида фаолият юритиб келаётган эди.