Расман! Почеттино "Челси" бош мураббийи

Лондоннинг “Челси” клуби расман Маурисио Почеттинони бош мураббий этиб тайинлади. Аргентиналик мутахассис клуб билан 2025 йилнинг ёзига қадар амалда бўлган шартномани яна бир мавсумга узайтириш имкониятига эга бўлди.

Почеттино бир йил ишсиз эди. 2022 йил сентябрь ойи бошида аргентиналик мутахассис “Челси” бош мураббийи лавозимига фаворитлардан бири бўлганди, аммо Лондон клуби охир-оқибат апрель ойида ишдан бўшатилган Грем Поттер номзоди билан келишиб олди.

"Арсистократлар" мавсумни Англия премьер-лигасида 12 ўринда якунлади. Бошқа мусобақаларда ҳам лондонликлар муваффақияцизликка учради ва одатдагидан пастроқ ўйин кўрсатди.

Почеттино аввалроқ Англияда “Тоттенхэм” ва “Саутгемптон” клубларида ишлаган.