Расман: Равшан Эрматов ФИФА ҳакамлик фаолиятини якунлади

Равшан Эрматов ФИФА ҳакамлик фаолиятини расман якунлади. ОФК штаб-квартирасида махсус маросим бўлиб ўтди.

Эрматов ҳакамлик фаолияти 16 йилдан ортиқ вақт давом этди, 3 та Жаҳон чемпионатида 11 та ўйин, клублар ўртасидаги Жаҳон чемпионати финалида қатнашди, иккита Осиё кубоги финалида ишлади ва Осиёнинг 5 карра энг яхши ҳаками унвонига сазовор бўлди.

Ҳаммаси 2003 йилда, Эрматов халқаро майдондаги биринчи йилида Финляндияда ёшлар ўртасидаги жаҳон чемпионатига тайинланганида бошланган. У ерда унинг биринчи ўйини Яман ва Португалия ўртасидаги ўйин бўлиб, унда Эрматов европаликларни пенальтини 3 маротаба бошидан тепишга мажбур қилган, чунки уларнинг ўйинчилари пенальти тепилмасиданоқ жарима майдончасига кираверишган. Ушбу тамойил ва ўйин қоидаларига қатъий муносабат Эрматовни бошқа ҳакамлардан ажратиб турди, бу унинг фаолиятини олдиндан белгилаб қўйди.

Энди ҳакамлик фаолияти расман якунланди, энди Эрматов олдига яна жиддий вазифалар қўйилади.

Жумладан, Осиёда ҳакамларни ОФК ҳакамлар қўмитаси аъзоси сифатида ривожлантириш. Ўзбекистон футбол ассоциациясининг биринчи вице-президенти Эрматов олдида турган Ўзбекистон футболини ривожлантириш вазифалари анча жиддий ва масъулиятли.

Ҳакамлар орасида Эрматовни ажратиб турадиган қоидаларга нисбатан принсипиал ва қатъий муносабатда бўлиш, Эрматовнинг миллий футбол раҳбари сифатидаги асосий фарқ қилувчи фазилатлари бўлишига амин бўлишингиз мумкин.

Манба: Алишер Никимбаев телеграм канали