Rasman! "Real" ilk transferni amalga oshirdi

Madridning "Real" klubi ilk transferni amalga oshirdi.

Klub matbuot xizmati tarqatgan xabarga ko‘ra, "Shaxtyor" futbolchisi Vinisius Tobias faoliyatini "qaymoqranglilar" safida davom ettiradi.

Braziliyalik yosh iste’dod sohibi 2022/23 yilga qadar ijara asosida "qirollik klubi" sharafini himoya qiladi. Shartnomada uni keyinchalik sotib olish bandi ham bor.

18 yoshli Vinisius o‘ng qanot himoyachisi hisoblanadi. U shu yilning yanvar oyida "Internasonal"dan donetskliklar safiga ko‘chib o‘tgandi.