Rasman! “Real Sosedad B” Xabi Alonsoni bosh murabbiy sifatida ommaga tanishtirdi

Ispaniyalik mashhur futbolchi Xabi Alonso "Real Sosedad B" jamoasi bosh murabbiy etib tayinlandi. Bu haqda klub rasmiy sayti xabar bermoqda.

Berilgan ma’lumotlarga ko‘ra 37 yoshli mutaxassis ushbu jamoa bilan 2021 yilga qadar shartnoma imzoladi. Ta’kidlash kerakki, “Real Sosedad”ning o‘rinbosarlar jamoasi hisoblangan "Real Sosedad B" Ispaniyaning B Segundasida ishtirok etadi.

Ma’lumot uchun, "Real Sosedad" Xabi Alonsoning ilk professional jamoasi hisoblanadi. U shuningdek futbolchilik faoliyati davomida “Liverpul”, “Real” va “Bavariya” kabi mashhur klublarda to‘p surgan.