Расман! Санчеснинг трансфери "Интер"га текинга тушди

Сўнгги мавсумни “Интер” сафида ижарада ўтказган “Манчестер Юнайтед” ҳужумчиси Алексис Санчес “нерадзуррилар” сафида тўп суришда давом этадиган бўлди.

Клуб матбуот хизмати тарқатган хабарга кўра, миланликлар 31 ёшли чилилик футболчи билан 2023 йилга қадар шартнома имзолаган. Эътиборлиси, “Интер” Санчес учун МЮга умуман маблағ тўламади. Алексиснинг “Интер”даги йиллик маоши 7 млн еврони ташкил этади.

Маълумот учун, Санчес ўтган мавсум А Серияда 22 та ўйинда майдонга тушди ва 4 та гол ҳамда 9 та голли узатмага муаллифлик қилди.