Расман! Шакири МЛС клубига кўчиб ўтди

"Ливерпуль" собиқ футболчиси Жердан Шакири МЛСнинг "Чикаго Файр" жамоаси аъзосига айланди. "Лион" швейцариялик футболчи трансфери орқали 7 миллион евро ишлаб олади. 

Қайд этилишича, Шакири янги жамоасида 10-рақам остида ҳаракат қилади. Унинг чикаголиклар таркибида оладиган маоши ҳали ошкор қилинмади.

Маълумот ўрнида, Жердан Шакири жорий мавсум Лига 1 доирасидаги 11 ўйинда 2 гол ва 3 ассистни ўз номига ёздириб қўйган.