Расман! Томас Тухель Европанинг гранд терма жамоасини бошқарадиган бўлди

Германиялик мураббий Томас Тухель 2025 йилдан бошлаб Англия терма жамоасини бошқаради. Бу ҳақда терма жамоа матбуот хизмати хабар берди.

51 ёшли Томас Тухелнинг аввалги иш жойи Германиянинг “Бавария” клуби бўлиб, у Мюнхен жамоасини жорий йилнинг май ойида тарк этганди. Немис мутахассиси фаолияти давомида “Челси”, ПСЖ ва “Боруссия” Дортмунд каби клубларини бошқарган.

Ҳозирда Англия терма жамоасини вақтинчалик бош мураббийи Ли Карсли бошқармоқда. Аввалроқ, терма жамоа 2024 йилги Европа чемпионати финалида Испанияга 1:2 ҳисобида имкониятни бой бергач Гарет Саутгейт Англия бош жамоасидан истеъфога чиқарилган эди.