Rasman! "Tottenxem" himoyachisi faoliyatini "Roma"da davom ettiradigan bo‘ldi

Londonning “Tottenxem” klubi himoyachisi Federiko Fasio “Roma” bilan rasman shartnoma imzoladi. Bu haqda “shporlar” rasmiy sayti xabar bermoqda.

Ta’kidlash lozimki, 30 yoshli argentinalik futbolchi rimlik “bo‘rilar” safiga o‘tgan yilning yozida keyinchalik sotib olish sharti bilan ijara asosida kelib qo‘shilgan edi. “Roma” rahbariyati aynan sotib olish imkoniyatidan foydalanib, futbolchini 3,2 mln evroga xarid qildi.

Ma’lumot uchun, Fasio o‘tgan mavsum “Roma” safida jami 40ta uchrashuvda maydonga tushib, o‘z hisobiga 4ta gol hamda 6ta golli uzatma yozdirib qo‘yishga erishgan.