Расман! Тьяго Алькантара - "Ливерпуль" футболчиси (Фото)

"Бавария" клуби ярим ҳимоячиси Тьяго Алькантара фаолиятини "Ливерпул"да давом эттирадиган бўлди. Бу ҳақда клуб матбуот хизмати хабар берди.

Манбанинг маълум қилишича, мерсисайдликлар испаниялик хавбек билан шартнома имзолади. Аммо футболчининг трансфер нархи ва битим қанча муддатга тузилгани борасида хабар берилмаган. Олдинроқ томонлар 4 йиллик келишувга эришганлари айтилганди. Тьяго Алькантара АПЛ клубида 6-рақамда тўп тепади.

- Бу ажойиб туйғу. Мен бу онларни анчадан бери кутгандим. Шу ерда эканлигимдан хурсандман. Менимча, бу жамоа менга мос, бу клуб билан кўплаб совринларга эга чиқишни истайман, - деди 29 ёшлик хавбек.