Расман! Уэйн Руни футболчилик фаолиятини якунлади ва "Дерби Каунти" бош мураббийи этиб тайинланди

Англиялик машҳур ҳужумчи Уэйн Руни ўзи фаолият юритаётган “Дерби Каунти” жамоасига бош мураббий этиб тайинланди. Бу ҳақда клуб матбуот хизмати хабар бермоқда.

35 ёшли мутахассис жамоа билан 2023 йилнинг ёзигача шартнома имзолади.

Маълумот учун, Руни 2020 йилнинг ноябридан буён “Дерби Каунти”да бош мураббий вазифасини бажарувчи сифатида ишлаб келаётган эди. Унинг қўл остида жамоа 9 та ўйин ўтказди ва уларда 3 та ғалаба ва 4 та дуранг қайд этди.