Расман: Хабиб Нурмагомедов ва Тони Фергюсон жанги қолдирилмайди

UFC промоушени енгил вазн тоифасидаги чемпион Хабиб Нурмагомедов ва Тони Фергюсон ўртасидаги жанг коронавирус туфайли бекор қилинмаслигини расман тасдиқлади.

Режалаштирилганидек, жанг 18 апрель куни UFC 249 да бўлиб ўтади. Aйни пайтда жангнинг ўтказилиш жойи номаълум.

Дастлаб, Нурмагомедов - Фергюсон жанги Нью-Йоркда бўлиб ўтиши керак эди. Аммо коронавирус пандемияси туфайли қолдирилганди.

Шунингдек, жанг Лас-Вегасда бўлиб ўтиши кутилганди. Бироқ у ерда ҳам Невада расмийлари мусобақани ташкил қилишни тақиқлаб қўйишди.

Бу UFC нинг ушбу тўқнашувни ташкил этишдаги бешинчи уринишидир.