Расман! Златко Далич Хорватия терма жамоаси билан шартномани узайтирди

Хорватия футбол иттифоқи терма жамоа бош мураббийи Златко Далич билан шартномани узайтирди.

Ташкилот расмий сайтининг хабар беришича, 53 ёшли мутахассис Хорватия терма жамоасини “ЖЧ-2022” охиригача бошқаради. Айтиш керакки, томонлар ўртасидаги аввалги шартнома 2020 йилнинг 31 июлига қадар имзоланган эди.

Маълумот учун, Златко Далич Хорватия терма жамоасини 2017 йилдан буён бошқариб келмоқда. Унинг бошқарувидаги жамоа “ЖЧ-2018” кумуш медалларига сазовор бўлган.

Матнда хатолик топсангиз, ўша хатони белгилаб, бизга жўнатинг (Ctrl + Enter)