Расмий хабар! "Навбаҳор" футболчиси "Нефтчи"га ўтди (Фото)

Тобора яқинлашиб келаётган Суперлига-2022 мавсумига қизғин тайёргарлик кўраётган "Нефтчи" клуби таркибни шакллантириш борасида изчилликда давом этмоқда. Ўтган мавсумда "Навбаҳор" сафида тўп тепган ярим ҳимоячи Аббос Ғуломов жамоа билан бир йилга мўлжалланган ижара шартномасига имзо чекди. Бу ҳақда клуб матбуот хизмати хабар берди.

Маълумот ўрнида, 1998 йилда Наманган вилоятининг Поп туманида таваллуд топган Аббос Ғуломов ўтган футбол мавсумида "Навбаҳор" таркибида 22 та ўйинда майдонга туширилган бўлиб, битта гол муаллифига айланган.