Равшан Эрматов: Мухлислар Марказий Осиёнинг шиддатли дербиларини соғиниб қолишган
ЎФA биринчи вице-президенти Равшан Эрматов ташкилот расмий сайтига берган интервьюсида мусобақада қўшни мамлакатлар жамоалари иштирок этиши Лига Кубогининг нуфузи ва томошабоплигини оширишга ҳам хизмат қилишини айтиб ўтди:
– Ўзбекистон Лига Кубоги баҳсларида Қирғизистон ҳамда Тожикистоннинг етакчи клублари қатнашиши мазкур мусобақага бўлган эътибор ва қизиқишнинг ҳам ортишига сабаб бўлади. Эндиликда мазкур турнир учрашувларини нафақат Ўзбекистонда, балки қўшни давлатларда ҳам кузатиб боришади. Қолаверса, ўзаро қардош бўлган мамлакатлар ўртасидаги алоқалар футбол орқали янада мустаҳкамланади. Катта ёшдаги мухлислар Марказий Осиё жамоаларининг дербиларига кўп бора гувоҳ бўлишган. Улар минтақамиз клубларининг ўзаро шиддатли тўқнашувларини соғинишгани тайин. Шу боисдан ҳам Лига Кубоги беллашувларига қўшни мамлакатлар жамоаларини ҳам таклиф этдик ва улар бу таклифни қабул қилишганидан жуда ҳам мамнунмиз. Эндиликда мухлислар ўз севимли жамоаларининг Тожикистон ёки Қирғизистон етакчи клубига қарши ўйинини кузатиш учун қўшни мамлакатларга ҳам боришлари мумкин бўлади. Келаси мавсумларда минтақамизнинг бошқа мамлакатлари жамоалари ҳам мусобақада иштирок этишлари кутилмоқда, – дея таъкидлади ЎФA биринчи вице-президенти.
Фикрлар
Agar qiziq turnir o'tkazmoqchi bo'lsangiz Navbaxor,Nasaf,Surxon va Buxoroga Tojikiston va Qirg'izistonni 4ta kuchli jamoasini qo'shib bitta turnir qivorila.
Intrigayam,muxlisam,qiziqisham bo'ladi.Qo'shnilani oldida
O'zbekistonni obro'sini ko'tarmoqchi bo'sela shu yo'lni tanlang.
Biz toshkentliklarga bu turnirning kopeykalik qizig'i yo'q,vaqtim bo'sayam bormiman.
Xaviga o'xshagan superyulduzlar kesagina stadionni to'ldirib berishimiz mumkin qoganini bizaga bir tiyin.