Равшанбек Умурзақов жанги бўлмайди. У манзилга етиб бора олмади

Профессионал бокснинг енгил вазн тоифасида ўз жангларини ўтказиб келаётган Равшанбек Умурзақов (10-1,7 КО) 12 сентябрь куни навбатдаги учрашувини ўтказиши керак эди. У украиналик Зоравор Петросянга (8-0, 3 КО) қарши жанг қилиши белгиланган эди. Афсуски, Туркиянинг Истанбул шаҳри орқали Россияга парвоз қилган Равшанбек ва мураббий Набижон Исмонов Екатеринбургга етиб бора олмаган. Бунинг сабаби эса, Истанбул аэропортидан Россияга парвоз амалга ошмаган. Янада аниқроқ қилиб айтганда, парвозга рухсат берилмаган. 

Украиналик боксчига эса, зудлик билан бошқа рақиб топилди. Энди Петросян мезбон Евгений Ваземга қарши рингга кўтарилади.