Раян Гарсия бироз ошириб юборди ёхуд у Ломаченкони тан олмади

Енгил вазннинг энг умидли боксчиларидан, дея эътироф этилаётган Раян Гарсия (20-0, 17 КО) WBC, WBA ва WBO чемпиони Василий Ломаченко (14-1-0, 10 КО) ҳақидаги фикрлари билан ўртоқлашди.

"Ломаченко - бу Лопеcдан фарқли равишда енгил вазн тоифасининг ҳақиқий чемпиони эмас.  Лома ўзи ким билан жанг қилди?

Келинг тўғрисини айтайлик, ҳозир деярли ҳеч ким чемпион эмас. Ломаченкога тегишли бўлган ягона нарса ва унинг мақомини мустаҳкамлаб турган омил, унинг аввалги фаолиятидир. Аслини олганда, бу дивизион мутлоқ очиқ ҳолатда...

Афсуски, шундай. Ушбу вазндаги ягона ҳақиқий чемпион - Теофимо Лопес. У Коммини ютди. Албатта, Комми даҳшатли эмас, лекин яхши боксчи эди. Бироқ бу йигитларнинг барчасининг савияси  мендан паст  ва мен каби қобилиятли ҳам эмаслар”, - дейди Гарсия.