"РБ Лейпциг" - "Ливерпуль" баҳси Будапештда ўтказилиши мумкин

УЕФА Чемпионлар лигасининг 1/8 финалидан ўрин олган "РБ Лейпциг" ва "Ливерпуль" жамоалари баҳси ўтказиладиган жойни ўзи белгилаши мумкин.

The Times нашри тарқатган хабарга қараганда, агар “РБ Лейпциг” зудлик билан “Ливерпуль”га қарши ўйин учун Германиядан бошқа давлатда стадион топа олмаса, УЕФА ушбу ўйин учун жойни ўзи белгилаб беради. Гап шундаки, Буюк Британия ҳукуматининг қарорига кўра, мерсисайдликлар Германияга кириши тақиқланади.

УЕФА эса ушбу жамоалар ўртасидаги дастлабки ўйинни Венгрия пойтахтидаги "Пушкаш Арена"да ўтказмоқчи. Ушбу стадион ўтган мавсум УЕФА Суперкубогига мезбонлик қилган эди.

"РБ Лейпциг" - "Ливерпуль" учрашуви 16 февраль куни бўлиб ўтиши керак.