"РБ Лейпциг" сўнгги 3 йил ичида 2-марта Германия кубоги финалига чиқди

“РБ Лейпциг” Германия кубогининг ярим финал баҳсида “Вердер”ни таслим қилди ва финалга йўлланмани қўлга киритди.

Юлиан Нагельсманн бошчилигидаги “РБ Лейпциг” сўнгги 3 йил ичида 2-марта мамлакат кубоги финалига чиқди. 2019 йилги финалда улар “Бавария”га (0:3) имкониятни бой беришган. 2009 йилда ташкил топган клуб бунгача бирор марта Германия кубоги финалида ўйнамаган эди.

Кубокнинг иккинчи финалчиси бугун бўлиб ўтадиган “Боруссия” Дортмунд ҳамда “Хольштайн Киль” клублари тўқнашувида аниқланади. Финал учрашуви 13 май куни бўлиб ўтади.

“РБ Лейпциг”ни 2019 йилдан буён бошқариб келаётган 33 ёшли Нагельсманн мавсум якунлангач “Бавария”га ўтади.