"Реал" - "Манчестер Сити" тўқнашувида қайси жамоа кўпроқ устунликка эга?

Хабарингиз бор бугун УЕФА Чемпионлар лигасининг 1/8 финалидан ўрин олган яна 2 та беллашув бўлиб ўтади. “Реал” – “Манчестер Сити” баҳси шулар жумласидандир.

Биз эса ушбу беллашув олдидан жамоаларнинг имкониятларини баҳолаб чиқамиз.

Зинедин Зидан бошчилигидаги жамоа доимгидек барқарор ўйин кўрсатиб келмоқда. Хатто Ла Лигада узоқ вақтгача пешқадамлик қилиб келди. Бироқ, сўнгги 5 та ўйиндан 2 тасида мағлуб бўлгани ва 1 тасида дуранг ўйнагани уларга қимматга тушди ва “Реал”ни пешқадамликдан 2-ўринга тушиб кетди.

“Қироллик клуби”нинг ҳужум чизиғини ҳам, ҳимоя чизиғини ҳам у қадар кучли деб бўлмайди. Боиси, жамоа сўнгг 5 та ўйинда рақиб дарвозасига 10 та гол уришган, ўз дарвозаларидан эса 8 та гол ўтказиб юборишган.

Эслатиб ўтамиз, “Реал” Чемпионлар лигасининг “А” гуруҳида ПСЖдан сўнг 2-ўринни эгаллаб плей-оффга йўлланмани қўлга киритган эди.

“Реал”нинг сўнгги 5 та ўйинда қайд этган натижалари:

“Реал” – “Атлетико” 1:0

“Реал” – “Реал Сосьедад” 3:4

“Осасуна” – “Реал” 1:4

“Реал” – “Сельта” 2:2

“Леванте” – “Реал” 1:0

“Манчестер Сити”га тўхталадиган бўлсак, жамоа бу мавсум у қадар ёрқин ўйинлар кўрсата олмаяпти. Айниқса, жамоанинг УЕФА томонидан жазоланиши ҳам яна бир руҳий зарба бўлди.

Хосеп Гвардиола шогирдлари сўнгги ўйинларда жуда кўп очко йўқотмоқда ва шунинг ҳисобига АПЛда пешқадам “Ливерпуль” билан фарқ 22 очкогача бори етди.

“Шаҳарликлар” сўнгги 5 та ўйиннинг 2 тасида мағлуб бўлишди ва 3 тасида ғалаба қозонишди. Бироқ, жамоанинг ҳужум чизиғи ҳам бир аҳволда. Боиси, “Сити” ҳамшаҳари “Манчестер Юнайтед” ва “Тоттенхэм”га қарши ўйинларда бирорта ҳам гол уролмасдан мағлуб бўлди.  Сўнгги 5 та ўйинда бор йўғи 7 та гол урди холос.

“Манчестер Сити”нинг ҳимоясини нисбатан яхши дейиш мумкин. Чунки, жамоа охирги 5 та ўйинда ўз дарвозасидан бор йўғи 3 та гол ўтказиб юборди холос.

Эслатиб ўтамиз, “Манчестер Сити” Чемпионлар лигасининг “C” гуруҳида 14 очко билан 1-ўринни қўлга киритган ҳолда плей-оффга йўлланмани қўлга киритди.

Қуйида “Манчестер Сити”нинг сўнгги 5 та ўйинда қайд этган натижалари билан танишиб олишингиз мумкин:

“Манчестер Сити” – “Фулхэм” 4:0

“Манчестер Сити” – “Манчестер Юнайтед”

“Тоттенхэм” – “Манчестер Сити” 2:0

“Манчестер Сити” – “Вест Хэм” 2:0

“Лестер” – “Манчестер Сити” 0:1

“Реал” ва “Манчестер Сити” жамоалари сўнгги бор 2017 йилнинг 27 июлида Халқаро Чемпионлар кубогида тўқнаш келишган ва унда “шаҳарликлар” йирик 4:1 ҳисобида ғалаба қозонган.

Дисквалификация ва жароҳатлар:

“Реал”: Марко Асенсио, Эден Азар

“Манчестер Сити”: Лерой Сане

“Реал” ва “Манчестер Сити” жамоалари шу кунгача ўзаро 6 та ўйин ўтказишган ва шуларнинг 3 тасида “Реал”нинг қўли баланд келган бўлса, 1 тасида “Сити” ютган. Қолган 2 та ўйинда эса кучлар тенг келган.

Эътиборлиси, ушбу 6 та ўйиннинг бирортасида 0:0 ҳисоби қайд этилмаган.

Хулоса ўрнида шуни айтиш мумкинки, бу мавсум Гвардиола бошқарувидаги “Сити” учун сўнгги имкон бўлади. Боиси, Хосеп УЕФАнинг дисквалификациясидан сўнг жамоадан кетишни режалаштирган. Шу боис у кетар чоғида албатта жамоа билан йирик мусобақада ғолиб чиқишни хоҳлайди. “Реал” эса яна Зидан бошчилигида ЕЧЛни ютишни орзу қилмоқда. Ҳар иккала жамоанинг сўнгги ўйинларда қайд этаётган қониқарсиз натижалари ушбу ўйинга ўз таъсирини ўтказмайди. Шу боис катта эҳтимол билан Мадриддаги ўйин дуранг билан якунланади.

Эслатиб ўтамиз, “Реал” – “Манчестер Сити” учрашуви бугун Тошкент вақти билан соат 01:00 да бошланади. Жавоб ўйини эса 18 март куни “Этихад”да бўлиб ўтади.