“Реал”, Ҳусановни кутиб ол!

10 декабрдан 11 декабрга ўтар кечаси, Тошкент вақти билан соат 01:00 да Европа Чемпионлар лигаси умумий босқичининг энг қизиқарли ва муросасиз учрашувларидан бири старт олади.

Унда турнирнинг икки гранд – “Реал” ва “Манчестер Сити” футболчилари Мадриддаги “Сантьяго Бернабеу” стадионида ўзаро тўқнаш келади.

Учрашувга мезбонлик қиладиган мадридликларнинг жорий мавсумда қитъанинг энг нуфузди турниридаги аҳволи анча яхши. Хаби Алонсо шогирдлари тўртинчи турда Англияда “Ливерпуль”дан кичик ҳисобда мағлуб бўлганига қарамай, қолган тўртта учрашувда зафар қучиб, 12 очко жамғарди.

“Манчестер Сити” дастлабки тўртта турда учта ғалаба ва битта дуранг қайд этганди. Аммо бешинчи турда “Этиҳад” аренада кутилмаганда Леверкузеннинг “Байер” жамоасига 0:2 ҳисобида ютқазиб қўйди ва тўғридан тўғри чорак финалга чиқиш имкониятини қийинлаштириб қўйди. Ўша учрашувда Хосеп Гвардиола таркибда ўн футболчини ўзгартиргани охир-оқибат хато бўлиб чиқди.

Энди “шаҳарликлар” умумий босқичнинг қолган учта учрашувида максимал натижани кўзлаб ўйнашига тўғри келади. Шу баҳслардан биринчиси “Реал”га қарши бўлади. Қолган икки ўйин 2026 йилга белгиланган. Дастлаб, “Манчестер Сити” 20 январда Эрлинг Холанднинг юртига бориб, “Будё Глимт” жамоаси билан ўйгаб келади.

28 январга белгиланган охирги турда манчестерликлар ўз мухлислари кўз ўнгида Туркиянинг энг қудратли клуби “Галатасарой” футболчиларини қабул қилади.

“Манчестер Сити” Мадридда бўладиган ўйинга пухта тайёргарлик кўрди. Бироқ клуб базасидаги сўнгги машғулотда Жон Стоунз, Кэлвин Филлипс, Родри ва Матео Ковачич иштирок этмади. Ушбу машғулот асосида Хосеп Гвардиола “Пеал” билан ўйинга жалб қилинадиган 21 нафар футболчи рўйхатини тасдиқлади.

Мадридга етиб келган таркиб қуйидагича кўринишга эга.

Дарвозабонлар:

Жанлуижи Доннарумма, Жеймс Траффорд, Маркус Беттинелли.

Ҳимоячилар:

Рико Льюис, Матеус Нуньес, Абдуқодир Ҳусанов, Рубен Диаш, Йошко Гвардиол, Натан Аке, Райан Айт-Нури, Нико О'Рейли.

Ярим ҳимоячилар:

Нико Гонсалес, Бернардо Силва, Тижани Рейндерс, Фил Фоден.

Ҳужумчилар:

Оскар Бобб, Савиньо, Райан Шерки, Эрлинг Холанд, Умар Мармуш, Жереми Доку.

Винисиус, Ҳусановдан ўтолмайсан!

Ҳусановни “Реал”га қарши ўйнат! Гвардиолага шундай талаб қўйилди

Ҳусанов “ЖЧ-2026”ни бошламай туриб рекорд ўрнатди!

Ўзбекистон қатнашадиган “ЖЧ-2026”да янгича қоида амал қилади

Ҳусановга йўқ жойдан имконият пайдо бўлди

Ўзбекистон мундиалда қаттиқ жанг қилади, лекин..

Шомуродов ва Файзуллаев мураббий истеъфосига “сабабчи” бўлди

Бу хатодан кейин Гвардиола Ҳусановни асосий таркибга қайтариши шарт